Villacosta Club 34 - Efsta hæð

Íbúðin er á 3. hæð í Villacosta Club í göngufæri frá La Fuente kjarnanum þar sem finna má marga veitingastaði, bari, apótek, kínabúð o.fl. Við íbúðina er góður sameiginlegur sundlaugagarður með sundlaug, nuddpotti og góðri aðstöðu til sólbaða.  Stutt frá nokkrum golfvöllum svo sem Campoamor, Villamartin og Las Ramblas, tilvalið fyrir golfara.

Íbúðin er björt og falleg penthouse íbúð með útgengi út á mjög stóra verönd (150 fm) úr svefnherbergjum, stofu og
borðstofu. Þaðan er gengið upp á 86fm þakverönd með borði, stólum, sólbekkjum og útsýni er glæsilegt til allra átta. Í stofunni er góður sófi sem einnig er svefnsófi, snjallsjónvarp, WiFi, loftkæling og fallegt borðstofuborð með stólum.  Eldhúsið er bjart og vel búið með öllum helstu áhöldum til matargerðar.  Gengið er út úr stofunni á fallegar svalir með útsýni yfir sundlaugina. Einnig fylgir aðgangur að bílastæði í bílakjallara.

Svefnherbergin eru tvö
Íbúðin er með tveimur svefnherbergjum og einnig er svefnsófi í stofunni,  gistirými er því fyrir 4-6 gesti  og einnig er barnaferðarúm.  Hjónherbergið er með hjónarúmi og góðum fataskápum, inn af hjónaherberginu er rúmgott
baðherbergi með sturtuklefa.  Gestaherbergið er með tveimur 90cm einstaklingsrúmum sem einnig má setja saman í eitt rúm og góðum fataskápum.  Bæði svefnherbergin eru með loftkælingu, sængur eru í íbúðinni sem gott er að nota á vorin og haust.

Baðherbergin eru tvö
Tvö falleg baðherbergi eru í íbúðinni, annað er innaf hjónaherbergi. Þau eru bæði rúmgóð með salerni, vaski, sturtu og innréttingu.  Baðhandklæði fylgja leigu fyrir gesti.  Gestir eru þó beðnir um að koma með sín eigin handkæði til sólbaða og til að taka með niður í garðinn og á ströndina.