VELDU DAGSETNINGAR TIL AÐ BÓKA
SVEFNPLÁSS
-
Hámarks fjöldi gesta
8 manns -
Svefnherbergi3
-
Hjónarúm3
-
Kojur1
-
Barnaferðarúm1
LÝSING
Staðsetningin er eins miðsvæðis eins og hugsast getur en allar helstu nauðsynjar eru í göngufæri. Hverfið er þekkt fyrir mikið af skemmtilegum kaffihúsum og veitingastöðum. Stórmarkaður er á næsta horni, ströndin er í 10 mínútna göngufæri, og ef það á að ferðast eitthvað lengra um borgina þá eru bæði græna og gula línan á næsta horni.
Íbúðin er sérstaklega vel skipulögð og hentar fullkomnlega fyrir par, tvö pör eða fjölskyldu með börn. Svefnpláss er fyrir 6-8 manns. Björt og vel skipulögð 136fm íbúð í miðju gotneska hverfinu í húsi byggðu 1852. Íbúðin er á fjórðu hæð á skemmtilegu göngugötunni Carrer de Ferran, sem tengir saman Römbluna og Plaza St. Jaume torgið.
Athugið það er EKKI lyfta í húsinu.
Stofa, borðstofa og eldhús
Björt og falleg stofa með tveimur sófum og tveimur stökum stólum, stórt og gott borðstofuborð með stólum fyrir 8 manns. Út frá stofunni eru tvær litlar suðursvalir sem vísa út á Carrer de Ferran með æðislegu útsýni. Þrjár loftkælingar eru í íbúðinni, í stofunni, eldhúsinu og á svefnherbergisgangi. WIFI er einnig til staðar.
Eldhúsið er opið með eldhúskrók og öllum helstu áhöldum til matargerðar. Stór ísskápur með frystihólfi, gaseldavél, uppþvottavél, ristavél, kaffivél og blandara. Borðbúnaður er fyrir 8 manns.
Svefnherbergin eru þrjú
Svefnherbergin eru þrjú í hinum enda íbúðarinnar, burt frá skarkala götunnar, og vísa inní mjög hljóðleg innri “patio”. Öll herbergin eru með hjónarúmum og einnig er efri koja í einu þeirra með 140cm. breiðri dýnu sem hentar því vel fyrir 2 börn. Barnaferðarúm er einnig til staðar.
Baðherbergi og þvottahús
Baðherbergið er með salerni, vaski og baðkari með sturtuaðstöðu. Við hlið eldhús er smá geymsla með þvottavél.